شاه اسماعیل صفوی (خطایی):سرسری, گیرمه میدانا, عاشق, سندن یول ایسترلر.
❈۱❈
سرسری, گیرمه میدانا,
عاشق, سندن یول ایسترلر.
قللاش ایله اوتورمادان,
ایمان اهلی, پول ایسترلر.
❈۲❈
بو یولا گیرن اوتورماز,
حاق سؤزه حیله‌قاتیلماز,
بوندا هئچ حیله‌ساتیلماز,
گؤوهریندن قول ایسترلر.
❈۳❈
بیر قیلی مین پاره ائدر,
بو یولو ایختییار ائدر,
شاهیم بیر یول قورموش, گئدر,
یول ایچینده, یول ایسترلر.
❈۴❈
شاه خطای دئر: نئیلرسن,
هر موشکولی حل ائیلرسن,
آریسان چیچک اییلرسن,
یارین سندن گول ایسترلر!
کامنت ها